ສຸດຍອດສະໝຸນໄພດັບພິດ ແລະ ລົດໄຂ້

ໃບຍານາງ ຫຼື ຍານາງ 

ໃບຍານາງ ຫຼື ຍານາງ 

ເປັນໄມ້ເຄືອຂະໜາດນ້ອຍທີ່ຄົນບູຮານນິຍົມນຳມາໃຊ້ປະໂຫຍດໃນດ້ານການເຮັດອາຫານ ໂດຍສະເພາະສ່ວນຂອງໃບທີ່ນິຍົມນຳມາຕຳຫຼືບົດເພື່ອຄັ້ນນ້ຳຈາກໃບມາໃຊ້ສຳລັບປຸງອາຫານເຮັດເຮັດໃຫ້ເພີ່ມລົດຊາດ ມີລົດຫວານທຳມະຊາດ ສີອາຫານຂຽວເຂັ້ມອອກດຳ ແລະ ມີລັກສະນະຂຸ້ນເປັນຢາງ ປະໂຫຍດຂອງຢານາງ - ສ່ວນທີ່ເປັນໃບຢານາງໃຊ້ນຳມາຄັ້ນນ້ຳສຳລັບປະກອບອາຫານ ເຊັ່ນ ແກງໜໍ່ໄມ້ ແກງອ່ອມ ແກງ - ໃບນຳມາຕາກແຫ້ງ ແລະ ບົດ ໃຊ້ຊົງເປັນຊາດືມ - ເຄືອໃຊ້ເປັນເຊືອກ ສຳພະຄຸນຂອງຢານາງ ໃນພາກພື້ນອາຊີນິຍົມນຳໃບຢານາງມາປະກອບອາຫານຫຼາຍ ໂດຍສະເພາະແກງໜໍ່ໄມ້ ແລະ ເມນູອາຫານອື່ນທີ່ໃຊ້ໜໍ່ໄມ້ ເນື່ອງຈາກສານໃນໃບຢານາງມີລິດຕ້ານກົດຢູຮິດໃນໜໍ່ໄມ້ບໍ່ໄດ້ ເຮັດໃຫ້ໜໍ່ໄມ້ມີລົດຊາດເປັນຕາແຊບຫຼາຍຂຶ້ນ ຢານາງ, ໃບຢານາງ, ດັບພິດ, ລົດໄຂ້, ສະໝຸນໄພ ຮາກຢານາງ ຮາກຢານາງມາຕົ້ມຫຼືຝົນປະສົມກັບນ້ຳດື່ມ ມີສັບພະຄຸນຫຼາຍດ້ານ ໄດ້ແກ່ - ແກ້ດັບກະຫາຍ - ບັນເທົາອາການໄຂ້ ແກ້ໄຂ້ຈັບສັ່ນ - ແກ້ໄຂ້ຮາກສາດ ໄຂ້ມາລາເຮຍ ໄຂ້ສັນນິບາດ ໄຂ້ທັບຮະດູ - ແກ້ອີສຸກອີໃສ ຕຸ່ມຜື່ນ ຝີ - ຖອນຜິດເມົາຄ້າງ ເມົາເຫຼົ້າ - ບັນເທົາອາການຖອກທ້ອງ ທ້ອງເສຍ - ບຳລຸງຫົວໃຈ - ຖອນຜິດ ແລະ ລົດພິດຈາກພືດ ສັດ - ຊ່ວຍຂັບສານພິດໃນຮ່າງກາຍ - ຖອນພິດຜິດສຳແດງ - ບຳລຸງຫົວໃຈ ແກ້ໂລກຫົວໃຈບວມ - ແກ້ເລືອດດັງອອກ ລຳຕົ້ນຢານາງ ລຳຕົ້ນນຳມາຕົ້ມຫຼືບົດ ຄັ້ນນຳດື່ມ ອອກລິດທາງຢາ ໄດ້ແກ່ - ບັນເທົາອາການໄຂ້ ລົດພິດຮ້ອນ - ບັນເທົາອາການພິດຈາກພືດ ເຫັດ ແລະ ຊ່ວຍຂັບສານພິດຢາຂ້າແມງໄມ້ໃນຮ່າງກາຍ - ແກ້ລີ້ນເປັນຝ້າຂາວ ລີ້ນແຂງກະດ້າງ - ໂລກປວດຂໍ້ ປວດກະດູກ - ບັນເທົາອາການທ້ອງເສຍ ໃບຢານາງ ນຳໃບມາບົດເອົານ້ຳສົດໆ ຫຼື ນຳມາຕົ້ມນ້ຳດື່ມ ລວມເຖີງໃບຕາກແຫ້ງອັດໃສ່ແຄບຊູນຮັບປະທານ ມີລິດໃນທາງຢາຫຼາຍດ້ານ ໄດ້ແກ່ - ບັນເທົາອາການຮ້ອນໃນ - ບັນເທົາອາການເປັນໄຂ້ ຕົວຮ້ອນ - ບັນເທົາໄຂ້ຮາກສາດ ໄຂ້ຝີ - ລົດພິດຢາຂ້າແມງໄມ້ໃນຮ່າງກາຍ ແລະ ຖອນພິດອື່ນໆ

ອ່ານຕໍ່

ເຂົ້າຜັດກຸ້ງຫໍ່ໄຂ່

ວິທີເຮັດເຂົ້າຜັດກຸ້ງຫໍ່ໄຂ່

ສ່ວນ​ປະສົມ​ ເຂົ້າ​ຜັດ​ກຸ້ງ​

1. ເຂົ້າ​ງາມ​ຫຸງ​ໃຫ້​ແຂງ​ໜ້ອຍໜຶ່ງ​ຕັກ​ອອກ​ພັກ​ໄວ້​ໃຫ້​ເຢັນ​ 1 ຖ້ວຍ​
2. ຫອມ​ຫັວ​ໃຫຍ່​ຫັ່ນ​ເປັນ​ສີ່​ຫຼ່ຽມ​ລູກ​ເຕົ໋າ​ 2 ບ່ວງ​ໂຕະ​
3. ໝາກ​ເຂືອ​ເທດ​ ຫັ່ນ​ເປັນ​ສີ່​ຫຼ່ຽມ​ລູກ​ເຕົ໋າ​ 1 ບ່ວງ​ໂຕະ​
4. ແຄລອດ​ ຫັ່ນ​ເປັນ​ສີ່​ຫຼ່ຽມ​ລູກ​ເຕົ໋າ​ 1 ບ່ວງ​ໂຕະ​
5. ກະ​ທຽມ​ກີບ​ນ້ອຍ​ສັບໃຫ້​ລະອຽດ​ 1-2 ກີບ​
6. ໄຂ່​ໄກ່​ 1 ຟອງ​
7. ກຸ້ງ​ຕົວ​ນ້ອຍ​ 1/3 ຖ້ວຍ​
8. ຫອມ​ຜັກ​ຊີ​ຊອຍ​ 1 ບ່ວງ​ໂຕະ​
9. ນ້ຳ​ມັນ​ພືດ​ ½ ບ່ວງ​ໂຕະ​
10. ເກືອ​ 1/8 ບ່ວງ​ໂຕະ​
11. ນ້ຳ​ຕານ​ ¼ ບ່ວງ​ໂຕະ​
12. ນ້ຳ​ມັນ​ຫອຍ ​½ ບ່ວງ​ໂຕະ​
13. ຊອດ​ປຸງລົດ​ 1/4 ບ່ວງ​ໂຕະ​
14. ພິກ​ໄທ​ປົ່ນ​ເລັກນ້ອຍ

ວິທີ​ເຮັດ​ ເຂົ້າ​ຜັດ​ກຸ້ງ​

1. ຕັ້ງ​ກະ​ທະ​ໃສ່​ນ້ຳ​ມັນ​ພືດ​ນ້ອຍໜຶ່ງ​ດ້ວຍ​ໄຟ​ອ່ອນ​ ພ​ໍຮ້ອນ​ແລ້ວ​ໃສ່​ໄຂ່ລົງໄປແລ້ວຄົນ​ໃຫ້​ກະ​ຈາຍ​ເປັນ​ແຜ່ນ
2. ຈາກ​ນັ້ນ​ໃສ່​ຫອມ​ຫັວ​ໃຫຍ່​ ກະ​ທຽມ​ສັບ​ ແຄລອດ​ແລະ​ໝາກເຂືອ​ເທດ​ລົງ​ໄປ​ ຜັດ​ໃຫ້​ໄດ້​ກິ່ນ​ຫອມ​ຂອງ​ຫັວ​ຫອມ​ແລ້ວ​ຈຶ່ງ​ໃສ່​ກຸ້ງ​ ໃຫ້ຜັດ​ຈົນ​ກຸ້ງ​ເກືອບ​ສຸກ​ແລ້ວ​ຈຶ່ງ​ໃສ່​ເຂົ້າ​ລົງໄປ
3. ເລັ່ງ​ເປັນ​ໄຟ​ໃຫ້ແຮງ​ ແລ້ວຜັດ​ເຂົ້າ ​ແລະ ​ສ່ວນ​ປະສົມ​ໃຫ້​ເຂົ້າ​ກັນ​ 
4. ຈາກ​ນັ້ນ​ເປີດ​ເປັນ​ໄຟ​ອ່ອນ​ ແລ້ວ​ຈຶ່ງ​ໃສ່​ເຄື່ອງ​ປຸງ​ທຸກ​ຢ່າງ​ລົງໃສ່
5. ເປີດ​ໄຟ​ໃຫ້​ແຮງ​ອີກ​ເທື່ອ​ໜຶ່ງແລ້ວຜັດ​ຈົນ​ເຂົ້າ​ກັນ​ດີ​ ປິດ​ໄຟ​ ຕັກ​ໃສ່​ຈານໄວ້​

ສ່ວນ​ປະສົມ​ ໄຂ່​ສຳລັບ​ຫໍ່​

1. ໄຂ່​ໄກ່​ 2 ຟອງ​
2. ນົມ​ສົດ​ 1 ບ່ວງ​ໂຕະ​
3. ເກືອ ​
4. ນ້ຳ​ມັນ​ພືດ​ 1 ບ່ວງ​ໂຕະ​

ວິທີ​ເຮັດ​ເຂົ້າ​ຫໍ່​ໄຂ່​ (ສູດ​ນີ້​ສາມາດ​ຫໍ່​ໄດ້​ 2 ຫໍ່​)

1. ຕີ​ໄຂ່​ ນົມ​ ແລະ ​ເກືອ​ ແຄລອດໃຫ້​ເຂົ້າ​ກັນ​
2. ຕັ້ງ​ກະ​ທະ​ໃສ່​ນ້ຳ​ມັນ​ 1/2 ບ່ວງ​ໂຕະ​ດ້ວຍ​ໄຟ​ອ່ອນ​ໃສ່​ໄຂ່​ເຄິ່ງທຳອິດ​ລົງ​ໄປ​ ຄ່ອຍ​ໆ​ໝຸນ​ກະ​ທະ​ຈົນ​ໄຂ່​ແຜ່​ເປັນ​ແຜ່ນ​ບາງ​ …ທີ່​ສຳຄັນ​ຄື​ຕ້ອງ​ໃຊ້​ໄຟ​ອ່ອນ​ໄຂ່​ຈຶ່ງ​ຈະ​ເຫຼືອງ​ງາມ​ ພໍ​ໄຂ່​ສຸກ​ແລ້ວປິດ​ໄຟ​
3. ຕັກ​ເຂົ້າ​ຜັດ​ປະ​ມານ​ 1/2 ຖ້ວຍ​ ໃສ່​ສູນກາງ​ ແລ້ວ​ພັບ​ຂອບ​ໄຂ່​ຫໍ່​ເຂົ້າ​ໃຫ້ເປັນ​ສີ່​ຫຼ່ຽມ​ ກົດ​ໃຫ້​ໄຂ່​ຢູ່ຕົວ​ ຈາກ​ນັ້ນ​ໃຊ້​ຈານ​ປິດ​ກະ​ທະ​ເພື່ອຂວ່ຳ​ໄຂ່​ທີ່​ຫໍ່​ເຂົ້າ​ຮຽບຮ້ອຍ​ແລ້ວ​ໃສ່​ໃນ​ຈານ​

ອ່ານຕໍ່

ຜັກຫວານຜັດກຸ້ງ

ເມນູຜັກຫວານຜັດກຸ້ງ

ສ່ວນ​ປະສົມ​      

ຍອດ​ຜັກ​ຫວານ​     150 ກຣາມ​

ກຸ້ງ​ສົດ​               200 ກຣາມ​

ກະ​ທຽມ​            5 ກີບ​

ພຣິກ​ຂີ້​ໜູດ​ວົນ​     10 ເມັດ​

ຊອດ​ຫອຍ​ນາງ​ຣົມ​  2 ບ່ວງ​ໂຕະ​

ນ້ຳ​ຕານ​ຊາຍ​        1 ບ່ວງຊາ​

ນ້ຳ​ລ້າໆ    2 ບ່ວງໂຕະ​

ນ້ຳ​ມັນ​ພືດ​ສຳລັບ​ຜັດ​        

ວິທີ​ເຮັດ​

1. ກຸ້ງ​ສົດ​ປອກ​ເກັດ​ຜ່າ​ຫຼັງ​ດຶງ​ເສັ້ນ​ດຳ​ອອກ​ ແລ້ວລ້າງ​ໃຫ້​ສະ​ອາດ​

2. ຕຳໝາກເພັດ​ຂີ້​ໜູ​ແລະ​ກະ​ທຽມໃຫ້​ພໍ​ແຫຼກ​

3. ໃສ່​ນ້ຳ​ມັນ​ພືດ​ໃນ​ກະ​ທະ​ຕັ້ງ​ໄຟ​ພໍ​ຮ້ອນ​ທຳມະດາແລ້ວໃສ່​ກະ​ທຽມ​ ແລະ​ໝາກເພັດ​ຂີ້​ໜູ​ ແລ້ວຜັດໃຫ້​ພໍ​ຫອມ​ຫຼັງຈາກນັ້ນໃສ່​ກຸ້ງລົງໄປແລ້ວ​ຜັດ​ໂດຍ​ໃຊ້​ໄຟ​ແຮງ​ພໍ​ກຸ້ງ​ສຸກ​ ໃຫ້ປຸງ​ລົດ​ດ້ວຍ​ຊອດ​ຫອຍ​ນາງ​ຣົມ​ ນ້ຳ​ຕານ​ຊາຍ​

4. ໃສ່​ຜັກ​ຫວານ​ລົງ​ຜັດ​ໄວ​ ໆ​ ແລ້ວຕື່ມນ້ຳ​ລ້າໆ ພໍ​ສຸກ​ ຕັກ​ໃສ່​ຈານ​

ອ່ານຕໍ່

ລາບປາດຸກຟູ

ສ່ວນ​ປະສົມ​
ປາ​ດຸກ​ປິ້ງ​	1 ຕັວ​
ນ້ຳ​ປາ​	2 ຊ້ອນ​ໂຕະ​
ນ້ຳ​ໝາກ​ນາວ​	2 ຊ້ອນ​ໂຕະ​
ນ້ຳ​ຕານ​ຊາຍ​	2 1/2 ຊ້ອນ​ຊາ​
ພິກ​ປົ່ນ​	2 ຊ້ອນ​ຊາ​
ເຂົ້າ​ຄົ່ວ​	1 ຊ້ອນ​ໂຕະ​
ຕົ້ນ​ຫອມ​ຊອຍ​	1 ຊ້ອນ​ໂຕະ​
ຜັກ​ຊີ​ຊອຍ​	2 ຊ້ອນ​ໂຕະ​
ຫອມ​ແດງ​ຊອຍ​
ນ້ຳ​ມັນ​ພືດ​ສຳລັບ​ທອດ​
ຫອມລາບ

ວິທີ​ເຮັດ​

1. ແກະ​ເນື້ອປາ​ດຸກ​ ແລ້ວສັບ​ໃຫ້​ລະອຽດ​

2.ຕັ້ງ​ກະ​ທະ​ໃສ່​ນ້ຳ​ມັນ​ພືດ​ໃຫ້ພໍ​ຮ້ອນທຳມະດາ​ ແລ້ວໃສ່​ເນື້ອປາ​ດຸກ​ລົງເພື່ອ​ທອດ​ເທື່ອ​ລະ​ນ້ອຍ​ ແລ້ວຕັກ​ຂຶ້ນ​ພັກ​ໃຫ້ນ້ຳມັນໄຫຼອອກ​ ຫຼັງຈາກນັ້ນຈັດ​ໃສ່​ພາສະ​ນະ​ທີ່ກຽມ​ໄວ້​

3. ປະສົມ​ນ້ຳ​ປາ​ ນ້ຳ​ມາກ​ນາວ​ ນ້ຳ​ຕານ​ຊາຍ​ ພິກ​ປົ່ນ​ ເຂົ້າ​ຄົ່ວ​ ຕົ້ນ​ຫອມ​ ຜັກ​ຊີ​ ຫອມ​ແດງ​ ຄົນ​ໃຫ້ເຂົ້າ​ກັນ​

4.ລາດ​ນ້ຳ​ຢຳ​ລົງ​ເທິງ​ປາ​ດຸກ​ທີ່​ກຽມ​ໄວ້​ ແລ້ວໂຣຍ​ໃບ​ຫອມລາບໃສ່

ອ່ານຕໍ່

ບາບີຄິວຊອດກະເພົາ

[ສູດອາຫານ]-ບາບີຄິວຊອດກະເພົາ

ສ່ວນປະສົມ ສະໂພກໄກ່ ເລາະກະດູກຫັ່ນຊິ້ນ  200 ກຣາມ ພິກຫວານສີຂຽວຫັ່ນຊິ້ນ 30 ກຣາມ ພິກຫວານສີເຫຼືອງຫັ່ນຊິ້ນ 30 ກຣາມ ຫອມຫັວໃຫຍ່ຫັ່ນຊິ້ນ 30 ກຣາມ ມະເຂືອເທດຣາຊິນີ     30 ກຣາມ ພິກໄທປົ່ນ 1/4 ຊ້ອນຊາ ຊອດເຫັດຫອມ (1) 1 ຊ້ອນໂຕະ ນ້ຳປາ (1) 1/2 ຊ້ອນຊາ ຊອດປຸຸງລົດ (1) 1 ຊ້ອນຊາ ໃບກະເພົາຊອຍ 1/4 ຊ້ອນຊາ ພິກສົດສີແດງສັບ 1 ຊ້ອນໂຕະ ກະທຽມສັບ          1 ຊ້ອນໂຕະ ນ້ຳປາ (2) 1 ຊ້ອນຊາ ນ້ຳຕານຊາຍ 1 ຊ້ອນຊາ ຊອດເຫັດຫອມ (2) 2 ຊ້ອນຊາ ນ້ຳລ້າໆ 1/4 ຊ້ອນຊາ ຊອດປຸຸງລົດ (2)      1/4 ຊ້ອນຊາ ນ້ຳມັນພືດ                1 ຊ້ອນຊາ ເນີຍສົດຊະນິດຈືດ 2 ຊ້ອນໂຕະ

ວິທີ​ເຮັດ​

1. ປະສົມ​ຊອດ​ເຫັດ​ຫອມ​ (1) ນ້ຳ​ປາ​ (1) ຊອດ​ປຸງລົດ​ (1) ພິກ​ໄທ​ປົ່ນ​ ນຳ​ສະ​ໂພກ​ໄກ່​ ລົງ​ໝັກ​ປະ​ມານ​ 20-30 ນາ​ທີ​

2. ຕັ້ງ​ກະ​ທະ​ໃສ່​ນ້ຳ​ມັນ​ພືດ​ພໍ​ຮ້ອນ​ ໃສ່​ກະ​ທຽມ​ ພິກ​ສົດ​ ແລ້ວ​ຜັດ​ພໍ​ຫອມ​ ປຸງ​ລົດ​ດ້ວຍ​ນ້ຳ​ຕານ​ຊາຍ​ ຊອດ​ເຫັດ​ຫອມ​ (2) ນ້ຳ​ປາ​ (2) ຊອດ​ປຸງ​ລົດ​ (2) ຕື່ມ​ນ້ຳລ້າໆລົງໄປແລ້ວ​ຜັດ​ໃຫ້​ເຂົ້າ​ກັນ​ ຫຼັງຈາກນັ້ນໃສ່​ໃບ​ກະ​ເພົາ​ລົງໄປແລ້ວຜັດ​ໃຫ້​ເຂົ້າ​ກັນ​ອີກ​ເທື່ອ

3. ນຳ​ໄມ້​ປາຍ​ແຫຼມ​ສຽບ​ຫອມ​ຫັວ​ໃຫຍ່​ ໝາກ​ເຂືອ​ເທດ​ ສະ​ໂພກ​ໄກ່​ໃນ​ຂໍ້​ທີ່​ 1 ພິກ​ຫວານ​ ທັງ​ 2 ສີ​ ໃຫ້​ສວຍ​ງາມ
4. ນຳ​ ບາ​​ບີ​ຄິວ​ ຂຶ້ນໄປ​ປິ້ງ​ເທິງ​ເຕົາ​ໄຟ​ໃຊ້​ເນີຍ​ສົດ​ທາ​ຂະນະ​ທີ່ປິ້ງ​ຈົນ​ສຸກ, ​ໃສ່​ພາສະ​ນະ ຫຼື ຈານ​ ແລ້ວລາດ​ດ້ວຍ​ຊອດ​ກະ​ເພົາ​ໃນ​ຂໍ້​ທີ່​ 2 ເປັນອັນສຳເລັດ

cr: maeban.co.th

ອ່ານຕໍ່

ການ​ຮັກສາ​ຝ້າ​ກະ​ດ້ວຍ​ວິທີ​ທຳມະຊາດ​

ສູດ​ຫຼຸດ​ຮອຍ​ກະ​ເທິງ​ໃບ​ໜ້າ ​ສູດ​ 1 ສູດ​ນີ້​ເຮັດ​ທຸກ​ມື້​ ຮອຍ​ກະ​ເທິງ​ໃບ​ໜ້າ​ຈະ​ເບິ່ງ​ຈາງ​ລົງ​ຢ່າງ​ເຫັນ​ໄດ້​ແຈ້ງ.​

ສ່ວນ​ປະສົມ​

ນ້ຳໝາກ​ເຂືອ​ເລັ່ນ​ 2 ບ່ວງ(ບ່ວງກາເຟ)​

ນ້ຳ​ໝາກ​ນາວ​ 2 ບ່ວງ(ບ່ວງກາເຟ)​

ຂັ້ນ​ຕອນ​ການເຮັດ​ແລະ​ວິທີ​ໃຊ້​

1. ນຳ​ນ້ຳ​ໝາກ​ເຂືອ​ເລັ່ນ​ແລະ​ນ້ຳ​ໝາກ​ນາວ​ມາ​ປະສົມ​ໃຫ້​ເຂົ້າ​ກັນ​ເປັນ​ຢ່າງ​ດີ​.

2. ລ້າງ​ໜ້າ​ໃຫ້​ສະ​ອາດ​ແລະ​ຊັບ​ໜ້າ​ໃຫ້​ແຫ້ງ.​

3. ນຳ​ສູດ​ທີ່​ປະສົມ​ກຽມ​ໄວ້​ ມາ​ທາ​ກົງ​ບໍລິເວນ​ທີ່​ເປັນ​ກະ​ຖິ້ມ​ໄວ້​ປະ​ມານ​ 5 ນາ​ທີ.​

4. ຈາກ​ນັ້ນ​ຈຶ່ງ​ລ້າງ​ອອກ​ດ້ວຍ​ນ້ຳ​ສະ​ອາດ​ ເປັນ​ອັນ​ສຳເລັດ​ຂັ້ນ​ຕອນ​ການເຮັດ.

(ນ້ຳ​ໝາກ​ນາວ​ເປັນ​ກົດ​ ການ​ໃຊ້​ກັບ​ໃບ​ໜ້າ​ ຄວນ​ທົດລອງ​ເຮັດ​ພຽງ​ຈຸດ​ນ້ອຍ​ໆ​ ກ່ອນ​ ປ້ອງ​ກັນ​ຜິວ​ໜ້າ​ບາງ​ທ່ານ​ແພ້​ ຫາກ​ໃຊ້​ແລ້ວ​ບໍ່​ເກີດ​ອາການແພ້​ຄ່ອຍ​ເຮັດ​ເພີ່ມ​ຈຸດ​ອື່ນ​ໆ​ ຕໍ່ໄປ​).

ສູດ​ຫຼຸດ​ຮອຍ​ກະ​ເທິງ​ໃບ​ໜ້າ​ສູດ​ 2 ສູດ​ນີ້​ເຮັດ​ທຸກ​ມື້​ ຮອຍ​ກະ​ເທິງ​ໃບ​ໜ້າ​ຈະ​ເບິ່ງ​ຈາງ​ລົງ​

ສ່ວນ​ປະສົມ​

ເບ​ບີ້​ອອຍ​​ 2 ບ່ວງ​ຊາ​

ນ້ຳ​ໝາກ​ນາວ​ 2 ບ່ວງ​ຊາ​

ຂັ້ນ​ຕອນ​ການເຮັດ​ແລະ​ວິທີ​ໃຊ້​

1. ນຳ​ເບ​ບີ້​ອອຍ​ແລະ​ນ້ຳ​ໝາກ​ນາວ​ປະສົມ​ຄົນ​ໃຫ້​ເຂົ້າ​ກັນ.​

2. ລ້າງ​ໜ້າ​ໃຫ້​ສະ​ອາດ​ແລະ​ຊັບ​ໜ້າ​ໃຫ້​ແຫ້ງ.​

3. ເມື່ອ​ໄດ້​ສ່ວນ​ປະສົມ​ແລ້ວ​ໃຫ້​ທາ​ທົ່ວ​ບໍລິເວນ​ໃບ​ໜ້າ​ ແລ້ວ​ຖິ້ມ​ໄວ້​ປະ​ມານ​ 10 ນາ​ທີ.​

4. ຫຼັງ​ຈາກ​ນັ້ນ​ໃຫ້​ລ້າງ​ອອກ​ດ້ວຍ​ນ້ຳ​ສະ​ອາດ​ເປັນ​ອັນ​ສຳເລັດ​ຂັ້ນ​ຕອນ​ການເຮັດ.​

ຫຼັງ​ຈາກ​ຮູ້​ວິທີ​ຮັກສາ​ແລ້ວ​ ເຮົາ​ມາ​ຮູ້​ວ່າກ​ະ​​ມີ​ແບບ​ແລະ​ມີ​ແບບໃດ​ດ້ວຍ​.

1. ກະ​ຕື້ນ​ ຈຸດ​ສີ​ນ້ຳ​ຕານ​ນ້ອຍ​ໆ​ ຂະໜາດ​ບໍ່​ເກີນ​ 0.5 ຊັງຕິ​ແມັດ​ ສາມາດ​ຂຶ້ນ​ໄດ້​ທົ່ວ​ໃບ​ໜ້າ​ ຖ້າ​ກືກແດດ​ເລື້ອຍ​ໆ​ ຈະ​ມີ​ສີ​ເຂັ້ມ​ຂຶ້ນ​ຊັດເຈນ​ແຕ່​ຖ້າ​ບໍ່​ໄດ້ຖຶກ​ແດດ​ເລື້ອຍ​ໆສີ​ກໍ​ຈະ​ຈາງ​ລົງ​ໄດ້​ເອງ.​

2. ກະ​ເລິກ​ ຈຸດ​ສີ​ນ້ຳ​ຕານ​ເທົາ​ໆ​ ເຫັນ​ເປັນ​ເງົາ​ເລິກ​ໆ​ ມັກ​ພົບ​ບໍລິເວນ​ໂໜກ​ແກ້ມ​ 2 ຂ້າງ​.

3. ກະ​ເນື້ອ ຕຸ່ມ​ສີ​ນ້ຳ​ຕານ​ຫລື​ສີ​ດຳ​ ສາມາດ​ເປັນ​ໄດ້​ທັງ​ກ້ອນ​ນ້ອຍ​ໆ​ ຜິວ​ລຽບ​ຫລື​ສູງໂນນ​ ອາດ​ເບິ່ງ​ຄ້າຍ​ຫູດ​ ມັກ​ພົບ​ບໍລິເວນ​ໃບ​ໜ້າ​ ຄໍ​ ຫລື​ລຳ​ຕົວ​ ກະ​ຊະນິດ​ນີ້​ຮັກສາ​ດ້ວຍ​ຢາ​ບໍ່​ຫາຍ​ ນອກ​ຈາກ​ຍິງ​ເລ​ເຊີ​.​

4. ກະ​ແດດ​ ຂຶ້ນ​ເປັນ​ດວງ​ສີ​ນ້ຳ​ຕານ​ ຜິວ​ລຽບ​ ສ່ວນ​ໃຫຍ່​ພົບ​ໃນ​ຄົນ​ສູງ​ອາ​ຍຸຫລື​ຄົົນທີ່​ເຮັດວຽກ​ກາງ​ແຈ້ງ​ແລະ​ເປັນ​ກະ​ປະ​ເພດ​ດຽວ​ທີ່​ສາມາດ​ບັນ​ເທົາ​ໃຫ້​ຈາງ​ລົງ​ຈົນ​ເບິ່ງ​ບໍ່​ເຫັນ​ໄດ້.​

ທີ່ມາ: kidork.com

ອ່ານຕໍ່

ຕົ້ນໄມ້ມະຫັດສະຈັນ ຊ່ວຍຮັກສາໂລກກວ່າ 300 ຊະນິດ

        ຜັກອີ່ຫຸ່ມ ໄດ້ຮັບການຍົກຍ້ອງວ່າເປັນ ຕົ້ນໄມ້ມະຫັດສະຈັນ ເພາະມັນເປັນແຫຼ່ງລວມຂອງໄຂມັນ ໂປຼຮຕິນ ແລະ ໂຮທີນອຍ,ວິຕາມິນຊີ,ເຫຼັກ,ໂພແທັກຊຽມ ແລະ ສານອາຫານອື່ນໆ ອີກຫຼາກຫຼາຍ. ດອກ, ຮາກ, ໃບ ແລະ ເປືອກຂອງມັນນຳມາໃຊ້ເປັນອາຫານເສີມ ແລະ ໃຊ້ເປັນຜະລິດຕະພັນເພື່ອຄວາມງາມ ເຊັ່ນ ນ້ຳມັນບຳລຸງຜິວ ແລະ ນ້ຳຫອມ...

ອ່ານຕໍ່

ໝາກແຄ້ງ ຜັກສະໝຸນໄພທາງຢາ ກິນເລື້ອຍໆມີໂອກາດຫາຍດີຈາກ 4 ພະຍາດຮ້າຍ

ໝາກແຄ້ງ ພືດຜັກພື້ນບ້ານຂອງຄົນລາວ ທີ່ມັກນິຍົມນຳມາປະກອບອາຫານເຊັ່ນ: ໃສ່ໃນແກງຕ່າງໆ ແຕ່ເຄີຍຮູ້ຫລືບໍ່ວ່າ ໝາກແຄ້ງໜ່ວຍນ້ອຍໆ ນີ້ມີປະໂຫຍດຢ່າງມະຫາສານເຊິ່ງມີງານວິໄຈອອກມາແລ້ວວ່າ ສາມາດນຳມາປິ່ນປົວພະຍາດໄດ້ອີກດ້ວຍ

ເນື່ອງຈາກໝາກແຄ້ງຊ່ວຍຫລຸດລະດັບນ້ຳຕານໃນເລືອດຂອງຜູ້ປ່ວຍເບົາຫວານ ມີລິດຊ່ວຍຫລຸດອະນຸມູນອິດສະຫລະ ມີເສັ້ນໃຍທີ່ຊ່ວຍດູດຊຶມໄຂມັນສ່ວນເກີນໄດ້ດີ ເຮັດໃຫ້ໝາກແຄ້ງສາມາດປິ່ນປົວພະຍາດທັງ 4 ພະຍາດນີ້ໄດ້

1.   ພະຍາດກະເພາະ ໂດຍມີລິດຕ້ານການເກີດບາດແຜໃນກະເພາະອາຫານທີ່ເກີດຈາກການໃຊ້ຢາ, ທາດເຫຼົ້າ ແລະ ຄວາມຄຽດ ແລະ ໝາກແຄ້ງຍັງສາມາດຊ່ວຍຮັກສາບາດແຜໃນກະເພາະອາຫານໄດ້ອີກດ້ວຍ

2.   ພະຍາດເບົາຫວານ ເພາະສານເພກຕິນໃນໝາກແຄ້ງ ຊ່ວຍຄວບຄຸມລະດັບນ້ຳຕານໃນຜູ້ປ່ວຍພະຍາດເບົາຫວານ ໂດຍສານນີ້ຈະມີຫນ້າທີ່ຊ່ວຍເຄືອບຜິວໃນລຳໄສ້ ເຮັດໃຫ້ອາຫານເຄື່ອນໂຕຜ່ານລຳໄສ້ໄດ້ຊ້າ ຈຶ່ງຊ່ວຍດູດຊຶມແປ້ງ ແລະ ນ້ຳຕານທີ່ຍ່ອຍແລ້ວໄດ້ຊ້າລົງ ເຮັດໃຫ້ລະດັບຂອງນ້ຳຕານໃນເລືອດຄົງທີ່

3.   ພະຍາດໄຂມັນອຸດຕັນໃນເສັ້ນເລືອດ ໝາກແຄ້ງມີກຸ່ມສານທໍຣ໌ໂວໄຊດ໌ ເຊິ່ງຊ່ວຍຫລຸດະດັບຄໍເລດເຕີຣອນໃນກະແສເລືອດໄດ້ ລວມທັງຢັບຢັ້ງການດູດຊຶມກັບຂອງຄໍເລດເຕີ ຣອນໃນລຳໄສ້ ຈຶ່ງອາດຊ່ວຍປ້ອງກັນພະຍາດໄຂມັນອຸດຕັນໃນເສັ້ນເລືອດໄດ້ອີກທາງໜຶ່ງ

4.   ພະຍາດຂາດສານອາຫານ ໝ!ກແຄ້ງມີສານຈຳພວກໄຟໂຕນິວທຽນ ທີ່ຈະຊ່ວຍໃຫ້ຜູ້ທີ່ເປັນພະຍາດຂາດສານອາຫານ ກັບມາເປັນປົກກະຕິ ແລະ ຮ່າງກາຍເຮັດວຽກໄດ້ຢ່າງມີປະສິດທິພາບຫລາຍຂຶ້ນ

ຂໍ້ມູນເຫຼົ່ານີ້ຈຶ່ງເປັນເຫດຜົນທີ່ວ່າ ຄວນກິນໝາກແຄ້ງໃຫ້ຫລາຍຂຶ້ນ ເພາະມັນເປັນຜັກທີ່ໃຫ້ປະ ໂຫຍດຢ່າງມະຫາສານ  ຫາກໃຜທີ່ບໍ່ມັກລອງກັບມາຄິດໃໝ່ ອາດເລີ່ມຈາກກິນໃນແກງກ່ອນກໍໄດ້ ແຕ່ແນວໃດເຮົາກໍຂໍແນະນຳວ່າໃຫ້ທ່ານກິນສາ ມັນດີແທ້ໆ 

cr: kidork.com

ອ່ານຕໍ່

ຕົ້ນຂີ້ນາກ ບໍ່ພຽງແຕ່ນຳມາໃຊ້ໃນການຫ້າມເລືອດຢ່າງດຽວ

ຕົ້ນຂີ້ນາກ ບໍ່ພຽງແຕ່ນຳມາໃຊ້ໃນການຫ້າມເລືອດຢ່າງດຽວ ແຕ່ມັນຍັງຮັກສາໂລກນີ້ໄດ້ອີກດ້ວຍ

ເຮົາມາຕິດຕາມກັນຕໍ່ໄປ ເທື່ອນີ້ກໍ່ຈະນຳສະເໜີຄວາມມະຫັດສະຈັນຂອງພືດອີກຊະນິດໜຶ່ງທີ່ມີຊື່ວ່າ ຕົ້ນຂີ້ນາກ ນີ້ແຫຼະ

ຕົ້ນຂີ້ນາກ ຫຼື  CHROMOLAENA ODORATA (LINN.) KING ET ROBINS. (EUPATORIUM ODORATUM LINN.) ຢູ່ໃນວົງ ASTERACEAE ມີຂຶ້ນຕາມພື້ນພຽງທົ່ວໄປ ເປັນໄມ້ລົ້ມລຸກ ອາຍຸປີດຽວ ນະຍົມປູກສະເພາະຕາມສວນສະໝຸນໄພເທົ່ານັ້ນ

ໃບ ຕຳປະສົມປູນພອກຫ້າມເລືອດ ຕຳປິດແຜ ເປັນຢາສະໝານແຜ ຕົ້ນມີກິ່ນແຮງໃຊ້ເຮັດຢາຂ້າແມງໄມ້ ຖ້າໃຊ້ໃນປະລິມານນ້ອຍເປັນນ້ຳຫອມໄດ້

ຮາກ ປະສົມຮາກໝາກນາວ ຮາກຢານາງຕົ້ມນ້ຳດື່ມແກ້ໄຂ້ປ່າໄດ້ ໃບ ຕຳປະສົມເກືອປົ່ນເລັກໜ້ອຍພອກແຜຫ້າມເລືອດ ໃບແລະດອກ ຕຳບີບທາຫ້າມເລືອດ ສານ 4,5,6,7 TETRAMETHOXYFLAVONE ແລະ ແຄລຊຽມທີ່ພົບໃນໃບເຮັດໃຫ້ເລືອດແຂົງຕົວໄດ້ໄວສານສະກັດຈາກກິ່ງ ແລະ ໃບດ້ວຍຄໍໂຮຟອມ ແລະ ອະຊີໂຕນ ມີຜົນຢັບຢັ້ງການຈະເລນເຕີບໃຫຍ່ຂອງເຊື້ອແບັກທີເຣຍ STAPHYLOCOCCUS AUREUS ແລະ BACILLUS SUBTILIS ຊື່ງເຮັດໃຫ້ເກີດໜອງ

ສ່ວນໃຜທີ່ເພີ່ງຮູ້ຕົວເອງວ່າມີອາການຂອງໄຕໄດ້ດີ ຫຼື ເລີ່ມເຂົ້າສູ່ການເປັນໂລກໄ້ຂັ້ນທຳອິດທີ່ຍັງບໍ່ຮຸ່ນແຮງ ໃນທາງສະໝຸນໄພຍັງພໍຊ່ວຍໄດ້ ໂດຍໃຫ້ເອົາ ຕົ້ນຂີ້ນາກ ບໍ່ລວມຮາກ ຫັ່ນເປັນຊີ້ນນ້ອຍໆ ຕາກແຫ້ງ ນຳໄປຄົ່ວໄຟອ່ອນໆ ຈົນໃຫ້ມີກິ່ນຫອມຂຶ້ນດັງ ຜື່ງໄວ້ໃຫ້ມັນເຢັນແລ້ວຊົງກັບນ້ຳຮ້ອນດື່ມເປັນນ້ຳຊາ 3 ເວລາ ເຊົ້າ ບ່າຍ ແລະ ຕອນແລງ ເທື່ອລະ 1 ແກ້ວ ຊົງດື່ມທຸກມື້ ຈະຊ່ວຍໃຫ້ອາການຂອງໂລກໄຕຂັ້ນທຳອິດຄ່ອຍໆ ດີຂຶ້ນຫຼືອາດເຊົາໄດ້

Credit: kidork.com

ອ່ານຕໍ່

ຜິວຂາວຂຶ້ນໄດ້ຢ່າງວ່ອງໄວພຽງໃຊ້ຫວ່ານຫາງແຂ້

ພຽງໃຊ້ຫວ່ານຫາງແຂ້ກັບສິ່ງນີ້ ກໍ່ຊ່ວຍເຮັດໃຫ້ຜິວຂາວຂຶ້ນໆ ໄດ້ຢ່າງວ່ອງໄວ

ປະຈຸບັນມີຜູ້ຄົນຈຳນວນຫຼາຍຄິດໜັກເລື່ອງຄວາມຈິງທີ່ເວົ້າວ່າ ເຮົາຕ້ອງໝັ່ນເບິ່ງແຍງຮັກສາຜິວພັນຂອງເຮົາໃຫ້ຫຼາຍຂຶ້ນ ທຸກຄົນຮູ້ວ່າຜະລິດຕະພັນທີ່ມີຂາຍຕາມທ້ອງຕະຫຼາດບໍ່ໄດ້ດີພໍໃນແບບທີ່ໂຄສະນາໄວ້

ອີກທັ້ງຍັງມີອັນຕະລາຍແລະສົ່ງຜົນຂ້າງຄຽງຕໍ່ເຮົາອີກດ້ວຍ ໂຊກດີທີ່ຕອນນີ້ເຮົາບໍ່ຕ້ອງກັງວົນອີກຕໍ່ໄປ ເພາະໃນບົດຄວາມນີ້ເຮົາຈພນຳສະເໜີວີທີ່ການຮັກສາດ້ວຍທຳມະຊາດທີ່ດີທີ່ສຸດ ແລະ ຍັງມີປະສິດທິພາບຫຼາຍໃນການຮັກສາປັນຫາຜິວໂດຍປາສະຈາກຜົນຂ້າງຄຽງໃດໆ ກັບເຈົ້າ

ຫວ່ານຫາງແຂ້ ເປັນສ່ວນປະສົມຫຼັກໃນການແກ້ໄຂ້ປັນຫານີ້ ເຮົາຮູ້ດີວ່າພືດຊະນິດນີ້ໃຫ້ຄວາມຊຸ່ມຊື່ນກັບຜິວ ແລະ ມັນຍັງສາມາດໃຊ້ຮັກສາປັນຫາຜິວຕ່າງໆ ໄດ້ຢ່າງຫຼາກຫຼາຍເພາະມັນອຸດົມໄປດ້ວຍສານຕ້ານອະນຸມູນອິດສະຫຼະ ອີກທັ້ງມັນຈະຊ່ວຍເຮັດໃຫ້ຜິວຂອງເຈົ້າຂາວໃສຢ່າງເປັນທຳມະຊາດຫຼາຍທີ່ສຸດ

ວິທີການໃຊ້ຫວ່ານຫາງແຂ້ໃຫ້ຜິວຂາວ

1.   ຫວ່ານຫາງແຂ້ກັບນ້ຳຕານ ຮ້ານເສີມສວຍທົ່ວໄປນິຍົມສະຄັບຜິວດ້ວຍນ້ຳຕານ ເພື່ອຂັດເຊລຜິວເກົ່າໃຫ້ຫຼຸດອອກໄປ ແລະ ເຜີຍຜິວໃໝ່ທີ່ນຽນໃສຂຶ້ນ ແນວໃດກໍ່ຕາມມັນກໍ່ຍັງສ້າງປັນຫາໃຫ້ກັບຜິວເພາະພວກມັນມີສານເຄມີປະປົນຢູ່ ຂ່າວດີກໍ່ຄືເຈົ້າສາມາດສະຄັບຜິວເຈົ້າເອງທັ້ງໝົດທີ່ເຈົ້າຕ້ອງເຮັດຄືການປະສົມນ້ຳຕານ 2 ບ່ວງໂຕະກັບເຈວຫວ່ານຫາງແຂ້ ແລະ ນຳມາທາບໍລິເວນຜິວທີ່ມີປັນຫາ

2.   ຫວ່ານຫາງແຂ້ກັບໝາກຮຸງ ຜະລິດຕະພັນຫຼາຍຊະນິດຈະມີເນື້ອໝາກຮຸງຢູ່ໃນສ່ວນປະສົມ ເພາະມັນມີຄຸນສົມບັດຊ່ວຍເຮັດໃຫ້ຜິວອ່ອນເຍົາ ແຕ່ທີ່ເຮົາໄດ້ກ່າວມາແລ້ວວ່າຜະລິດຕະພັນທີ່ວາງຂາຍຢູ່ຕາມຮ້ານຄ້າມັກມີສານເຄມີປະປົນຢູ່ເປັນຈຳນວນຫຼາຍ ດັ່ງນັ້ນເຈົ້າຈື່ງຄວນເຮັດໃຫ້ມັນດ້ວຍຕົວເອງ ພຽງເຈົ້າພຽງນຳເນື້ອໝາກຮຸງມາປະສົມກັບເຈວຫວ່ານຫາງແຂ້ ແລະ ນຳໄປພອກຖິ້ມໄວ້ເທິ່ງໃບໜ້າປະມານເຄີ່ງຊົ່ວໂມງ ແລະ ລ້າງອອກໃຫ້ສະອາດ ຮັບຮອງວ່າຜົນລັບທີ່ອອກມາຈະສ້າງຄວາມປະຫຼາດໃຈໃຫ້ກັບເຈົ້າ

3.   ຫວ່ານຫາງແຂ້ປະສົມກັບນ້ຳເຜີ້ງ ເພື່ອໃຫ້ຜິວຂອງເຈົ້າຊຸ່ມຊື້ນ ແລະ ສົດໃສ ເຈົ້ຄວນປະສົມນ້ຳເຜີ້ງແລະນົມໄປພ້ອມກັບເຈວຫວ່ານຫາງແຂ້ໃນສ່ວນປະສົມທີ່ເທົ່າກັນ ຈາກນັ້ນນຳມາທາໄວ້ເທີ່ງໃບໜ້າຂອງເຈົ້າ ພອກຖິ້ມໄວ້ເປັນເວລາ 20 ນາທີແລ້ວລ້າງອອກ

4.   ຫວ່ານຫາງແຂ້ກັບນົມ ການນຳຫວ່ານແຂ້ກັບນົມມາປະສົມກັນ ແລະ ທາເປັນຄຮີມບາງໆ ພອກຖິ້ມໄວ້ເທີ່ງໃບໜ້າຂອງເຈົ້າ ມັນຈະໃຫ້ຜົນລັບທີ່ອັດສະຈັນກັບເຈົ້າ

cr: kidork.com

ອ່ານຕໍ່

ຫຼຸດໄຂມັນໃນເລືອດ ແລະ ຮັກສາສິວ ດ້ວຍຫອມບົ່ວແດງ

ຫົວຜັກບົ່ວແດງມີສັບພະຄຸນທາງຢາມີລິດເປັນສານຕ້ານອະນຸມູນອິດສະຫຼະຫາກບໍລິໂພກຫອມບົ່ວແດງເປັນປະຈຳຈື່ງສາມາດຫຼຸດລະດັບຄໍເລດເຕີຣໍ ແລະຊ່ວຍໃຫ້ການໄຫຼວຽນຂອງເລືອດດີຂື້ນຫຼຸດໄຂມັນໃນເສັ້ນເລືອດ ທີ່ເປັນສາເຫດຂອງໂລກຄວາມດັນເລືອດສູງແລະໂລກຫົວໃຈ ສານໃນຫົວຜັກບົ່ວແດງມີຄຸນນະສົມບັດຕ້ານຫຼືຢຸດການຈະເລີນເຕີບໂຕຂອງຈຸລິນຊີແລະແບ໋ດທີເຣຍອີກນຳ
ວິທີໃຊ້ຫົວຜັກບົ່ວແດງຕາມແບບບູຮານ.

• ໃຊ້ຫົວຜັກບົ່ວແດງແກ້ຫວັດໂດຍນຳມາຕຳ,ແລ້ວເອົາມາວາງເທິງຫົວຊ່ວຍຫຼຸດອາການຂັດຮູດັງແກ້ໄຂ້ເໝາະໃຊ້ກັບເດັກນ້ອຍຫາກະເກີດ
• ນຳຫົວຜັກບົ່ວສົດ15-30ກຼາມຕົ້ມກິນ ເພາະນໍ້າແກ້ອາການທ້ອງອືດ, ປຸ້ນທ້ອງ, ຂັບລົມ
• ນຳຫົວຜັກບົ່ວມາດົມເວລາເປັນລົມເປັນຢາບຳລຸງຫົວໃຈ
• ນຳຫົວຜັກບົ່ວມາຂາງໄຟຫຼືຝານບາງໆໃຊ້ຟອກບາດຫຼືສິວຫຼຸດອາການ ອັກເສບແກ້ບວມຊ້ຳເຮັດໃຫ້ຮ່າງກາຍອົບອຸ່ນຂັບເຫື່ອ
• ນຳມາຮັກສາສິວຮອຍດ່າງດຳໄດ້ດ້ວຍວິທີນຳຫົວຜັກບົ່ວແດງທີ່ລ້າງສະ ອາດແລ້ວມາຝານໃຫ້ເປັນຕ່ອນບາງໆໃຊ້ທາຫຼືແປະໄວ້ທີ່ບໍລິເວນທີ່ເປັນສິວ,ຝ້າ,ຫຼືຈຸດດ່າງດຳທາປະໄວ້ປະມານ 10 ນາທີແລ້ວລ້າງອອກເຮັດແບບນີ້ທຸກມື້ປະມານ1ອາທິດສິວ,ຝ້າຫຼືຈຸດດ່າງດຳຈະຈາງລົງ

ສ່ວນຂໍ້ຄວນລະວັງໃນການໃຊ້ປະໂຫຍດຈາກຫົວຜັກບົ່ວແດງຄືມັນຈະມີສານກຳມະຖັນເຊີ່ງຈະເຮັດໃຫ້ແສບຕາ,ແສບດັງແລະເຮັດໃຫ້ຜິວໜັງມີການແພ້ປວດແສບຮ້ອນຈື່ງບໍ່ຄວນທາບໍລິເວນຈຸດທີ່ໃກ້ຄຽງກັບບ່ອນທີ່ກ່າວມາ

cr: kidork.com

ອ່ານຕໍ່

​ໃຊ້​ເຈ້ຍທິດຊູ​​ມີ​ສີ ​ແລະ ​ກິ່ນ​ຫອມ​ເລື້ອຍໆ​ ສ່ຽງ​ເປັນ​ມະ​ເຮັງ​ປາກ​ມົດລູກ​ຫຼາຍ​ທີ່ສຸດ​

ຊົມພູ ເຫຼືອງ ຟ້າ ທີ່ມາພ້ອມກັບກິ່ນລາເວນເດີ ກຸຫຼາບ ມະລິ ໃນປະຈຸບັນ ເຈ້ຍທິດຊູມີແທບທຸກສີໃຫ້ເຫັນ ແລະ ກິ່ນຂອງມັນກໍຫອມເຫຼືອເກີນ ແຕ່ມີຄົນພຽງສ່ວນນ້ອຍເທົ່ານັ້ນທີ່ຮູ້ວ່າຄວນຫຼີກລ້ຽງ ແລະ ຫ້າມໃຊ້ເຈ້ຍທິດຊູປະເພດນີ້ ເຈົ້າຮູ້ຫຼືບໍ່ວ່າເປັນຫຍັງ? ໃນປີ 1987 ອົງການອາຫານ ແລະ ຢາແຫ່ງສະຫະລັດອາເມຣິກາ

ປະກາດຫ້າມໃຊ້ເຈ້ຍທິດຊູທີ່ມີສີ ແລະ ກິ່ນໃນອຸດສາຫະກຳຢາ ຫຼັງຈາກຜົນການທົດສອບໃນສັດພົບວ່າມີອັດຕາການເກີດເນື້ອງອກຊະນິດດຽວກັນເພີ່ມຂຶ້ນ ເຖິງວ່າເທັກໂນໂລຍີໃນປະຈຸບັນຈະທັນສະໄໝ ແລະ ປ່ຽນໄປຈາກເມື່ອກ່ອນຫຼາຍ ແຕ່ຄວາມກັງວົນກ່ຽວກັບການໃຊ້ເຈ້ຍທິດຊູທີ່ມີສີ ແລະ ກິ່ນຫອມກໍຍັງຄົງມີຢູ່

ການປະສົມສານເຄມີລົງໄປ ຄືສີ ນ້ຳຢາຟອກຂາວ ແລະ ການຕື່ມກິ່ນຫຼາກຫຼາຍລົງໃນເຈ້ຍທິດຊູ ເປັນອັນຕະລາຍຕໍ່ຮ່າງກາຍມະນຸດ ແລະ ກໍ່ໃຫ້ເກີດມົນລະພິດຕໍ່ສິ່ງແວດລ້ອມ

ການຕິດເຊື້ອໃນທໍ່ຍ່ຽວ

ເຈ້ຍທິດຊູສີເຮັດໃຫ້ບໍລິເວນຊ່ອງຄອດເກີດອາການລະຄາຍເຄືອງໄດ້ຫຼາຍ ດັ່ງນັ້ນການໃຊ້ມັນເປັນປະຈຳຈຶ່ງເປັນສາເຫດໃຫ້ເກີດການຕິດເຊື້ອໃນທໍ່ຍ່ຽວ

ມະເຮັງປາກມົດລູກ

ມີການສັນນິຖານວ່າສີຂອງເຈ້ຍທິດຊູສົ່ງຜົນກະທົບໂດຍກົງຕໍ່ລະບົບສືບພັນຂອງເພດຍິງ ແລະ ສາມາດເພີ່ມໂອກາດການເກີດມະເຮັງປາກມົດລູກດ້ວຍ

ບັນຫາກ່ຽວກັບລຳໄສ້

ການໃຊ້ເຈ້ຍທິດຊູ ທີ່ເປັນສີ ແລະ ມີນ້ຳຫອມເປັນເຫດໃຫ້ເກີດການອັກເສບແລະ ມີອາການຄັນໃນບໍລິເວນທະວານຫນັກ ການສັງເກດເບິ່ງຂີ້ຂອງຕົວເອງເປັນບາງຄາວຖືເປັນຄວາມເຄີຍຊິນທີ່ດີ ເພາະເຈົ້າຈະສັງເກດເຫັນການປ່ຽນແປງໄດ້ຢ່າງທັນທີ ຫາກມີອາການຜິດປົກກະຕິເກີດຂຶ້ນ ເຊັ່ນ ມີເລືອດປະປົນໃນຂີ້ ເມື່ອໃຊ້ເຈ້ຍທິດຊູຊຳ ເຮົາແທບຈະບໍ່ສັງເກດເຫັນຄວາມປ່ຽນແປງໃນຂີ້ເລີຍ

ໂດຍສະເພາະຢ່າງຍິ່ງຖ້າເຈ້ຍທິດຊູມີລວດລາຍຫຼືສີເປັນສີແດງ ເພາະເມື່ອມັນປຽກນ້ຳ ກໍເບິ່ງຄືວ່າມີຮອຍເລືອດຕິດຢູ່ ໃນຄວາມເປັນຈິງ ຮ່ອງຮອຍດັ່ງກ່າວເປັນສັນຍານຂອງພະຍາດມະເຮັງລຳໄສ້ໃຫຍ່ທີ່ບພົບເຫັນໄດ້ຫຼາຍທີ່ສຸດ ແລະການໃຊ້ເຈ້ຍທິດຊູສີແດງກໍເປັນການກີດກັ້ນບໍ່ໃຫ້ເຈົ້າສັງເກດເຖິງພະຍາດນີ້ໄດ້

ພະຍາດເຊື້ອລາ

ໜຶ່ງໃນຄຳຖາມທີ່ໝໍຈະຖາມຜູ້ຍິງທີ່ເປັນພະຍາດເຊື້ອລາເລື້ອຍໆຄື ພວກເຂົາໄດ້ໃຊ້ເຈ້ຍທິດຊູທີ່ມີສີຫຼືປະສົມນ້ຳຫອມຫຼືບໍ່ ເພາະໃນຄວາມເປັນຈິງ ຜູ້ຊ່ຽວຊານໄດ້ຄົ້ນພົບຄວາມເຊື່ອມໂຍງລະຫວ່າງການຕິດເຊື້ອນີ້ກັບເຈ້ຍທິດຊູສີ ສະພາບແວດລ້ອມທີ່ດີຕໍ່ສຸຂະພາບ

ການໃສ່ສີ ແລະ ນ້ຳຫອມລົງໃນເຈ້ຍທິດຊູເປັນການເພີ່ມມົນລະພິດໃນສິ່ງແວດລ້ອມໃຫ້ຫຼາຍຂຶ້ນ ການໃຊ້ເຈ້ຍທິດຊູສີຂາວ ຫຼື ເຈ້ຍທິດຊູທີ່ບໍ່ໃຊ້ນ້ຳຢາຟອກຂາວຖືເປັນພຽງກ້າວນ້ອຍໆ ເພາະກ້າວທີ່ຍິ່ງໃຫຍ່ກວ່ານັ້ນຄືການອະນຸລັກສິ່ງແວດລ້ອມ ແນວໃດກໍ່ຕາມ ບໍ່ແມ່ນວ່າເຈ້ຍທິດຊູສີຂາວຈະປອດໄພສະເໝີໄປ

ຫຼາຍຄົນບໍ່ຮູ້ເລື່ອງນີ້ ແຕ່ເຈ້ຍທິດຊູສີຂາວສາມາດເປັນອັນຕະລາຍຕໍ່ຮ່າງກາຍໄດ້ເຊັ່ນກັນ ຜູ້ຜະລິດບາງສ່ວນໃຊ້ຄໍຣີນໃນການຜະລິດເຈ້ຍທິດຊູຟອກສີຂາວ ຄໍຣີນຂັບສານພິດອັນຕະລາຍທີ່ອາດເຮັດໃຫ້ເກີດບັນຫາສຸຂະພາບອອກມາຫຼວຫຼາຍ ດັ່ງນັ້ນເມື່ອເຈົ້າຊື້ເຈ້ຍທິດຊູກໍຄວນອ່ານສ່ວນປະກອບທີ່ລະບຸໄວ້ເທິງຜະລິດຕະພັນໃຫ້ລະອຽດສະເໝີ ຫາກເຈົ້າເຫັນວ່າມີຄໍຣີນປະປົນຢູ່ດ້ວຍ ເຈົ້າກໍຄວນໄປຫາຊື້ເຈ້ຍທິດຊູຢີ່ຫໍ້ອື່ນທີ່ບໍ່ໃຊ້ສານເຄມີແທນ

ອ່ານຕໍ່

ໃບສີດາສາມາດ​ຢຸດ​ຜົມຫຼົ່ນ​ໄດ້

ບັນຫາຜົມຫຼົ່ນເປັນບັນຫາທີ່ເກີດກັບຜູ້ຊາຍຫຼາຍກວ່າຜູ້ຍິງ ແຕ່ນັ້ນບໍ່ໄດ້ໝາຍຄວາມວ່າຜູ້ຍິງຈະບໍ່ພົບກັບບັນຫານີ້ ຜູ້ຍິງຕ້ອງທົນທຸກທໍລະມານຈາກການຜົມຫຼົ່ນ ແລະ ຜົມບາງ ອາດເກີດຈາກຫຼາຍສາເຫດ ແລະ ໜຶ່ງໃນນັ້ນຄືການຂາດວິຕາມິນ. ຫາກທ່ານກຳລັງພົບກັບອາການຜົມຫຼົ່ນ ການແກ້ບັນຫາຕ້ອງຂຶ້ນຢູ່ກັບການຫາສາເຫດ ທຸກຄົນຮູ້ວ່າມັນເປັນຕາຢ້ານຊຳໃດ ທີ່ເສັ້ນຜົມຫຼຸດຫຼົ່ນລົງຢ່າງວ່ອງໄວ ມັນບໍ່ສຳຄັນວ່າທ່ານຈະເປັນຊາຍ ຫຼື ຍີງ ເຮົາມີຢາຈາກທຳມະຊາດທີ່ມີປະສິດທິພາບທີ່ຈະຊ່ວຍແກ້ບັນຫາຜົມຫຼົ່ນຂອງທ່ານໄດ້. ໃບສີດາ ໄດ້ຮັບການພິສູດແລ້ວວ່າມີປະໂຫຍດໃນການບຳລຸງເກັດເລືອດ ໃນຄົົນທີ່ເປັນພະຍາດໄຂ້ເລືອດອອກ ມັນຍັງສາມາດຊ່ວຍປ້ອງກັນຜົມຫຼົ່ນ ແລະ ຜົມບາງ ນັກວິທະຍາສາດໃຊ້ໃບສີດາເປັນປະຈຳໃນການເບິ່ງແຍງເສັ້ນຜົມ ມັນມີປະໂຫຍດສາມາດພິຊິດບັນຫາຂອງຜົມຫຼົ່ນ ວິຕາມິນບີ ເປັນວິຕາມິນທີ່ສຳຄັນທີ່ສຸດຊ່ວຍບຳລຸງເສັ້ນຜົມໃຫ້ມີສຸຂະພາບດີ ແລະ ໃນໃບສີດາຍັງມີວິຕາມິນ B ຢູ່ສູງອີກດ້ວຍ

ວິທີເຮັດ

• ໃຊ້ນ້ຳ 1 ລີດ 
• ໃຊ້ໃບສີດາ (ຫຼື ໝາກໂອ່ຍ) 1 ກຳມື ລ້າງໃຫ້ສະອາດແລ້ວໃສ່ລົງໄປໃນໜໍ້
• ຕົ້ມໄວ້ປະມານ 20 ນາທີ
• ຖ້າໃຫ້ນ້ຳເຢັນ (ພໍອຸ່ນໆສາມາດອາບໄດ້) 

ວິທີໃຊ້

 ນຳນ້ຳທີ່ໄດ້ຈາກການຕົ້ມລົງເທິງຜົມໂດຍຫໍ່ໄວ້ດ້ວຍຜ້າຂົນໜູ ຫຼື ຈະໃສ່ໝວກອາບນ້ຳກໍໄດ້ ປະໄວ້ໝົດຄືນ ແລ້ວລ້າງອອກໃນຕອນເຊົ້າ ມັນຈະຊ່ວຍເຮັດໃຫ້ຮາກຜົມ ແລະ ຮູຂຸມຂົນແຂງແຮງ

ປລ: ໃຊ້ດີບອກຕໍ່ ຖ້າເຫັນວ່າດີມີປະໂຫຍດຝາກກົດໄລ້ກົດແຊໃຫ້ແດ່ 😀

ອ່ານຕໍ່

ພິ​ຊິດ​ເບົາ​ຫວານ​ ດ້ວຍ​ນ້ຳ​ຕົ້ມ​ຜັກອີເລີດ​

       ຜັກອີເລີດ ນັ້ນມີງານວິໄຈຢືນຢັນແລ້ວວ່າເໝາະສຳລັບທ່ານ ເນື່ອງຈາກມີສານແອນຕິອອກຊິແດນ, ແຄວຊຽມ ວິຕາມິນເອ(A) ແລະ ຊີ(C) ໃນປະລິມານທີ່ສູງຫຼາຍ ທີ່ສຳຄັນຄື: ຊ່ວຍຫຼຸດນ້ຳຕານໃນເລືອດໄດ້ດີ. ໂດຍຕຳຮັບຢາພື້ນບ້ານແກ້ເບົາຫວານນັ້ນ ພຽງແຕ່ກຽມຜັກອີເລີດ (ທັງຕົ້ນຈົນເຖິງຮາກ) 1 ກຳມືນຳມາຕົ້ມກັບນ້ຳ 3 ບວຍ ຍົກຂຶ້ນຕັ້ງເຕົາຄ່ຽວຈົນເຫຼືອ 1 ບ່ວຍ ກິນເທື່ອລະເຄິ່ງແກ້ວກາເຟ ກ່ອນອາຫານ 3 ຄາບ. ພຽງເທົ່ານີ້ກໍສາມາດຫຼຸດລະດັບນ້ຳຕານໄດ້ບໍ່ຍາກ

ອ່ານຕໍ່

ແຂ້ວຂາວພາຍໃນ 2 ນາທີ

        ແຂ້ວຂາວບໍ່ພຽງແຕ່ຊ່ວຍໃຫ້ທ່ານມີຮອຍຍີ້ມທີ່ສວຍງາມເທົ່ານັ້ນ ແຕ່ມັນດຶງດູດຄົນທີ່ຢູ່ອ້ອມຂ້າງໃຫ້ມາສົນໃຈທ່ານອີກດ້ວຍ.

        ທ່ານບໍ່ຈຳເປັນຕ້ອງຈ່າຍເງິນຮັກສາທີ່ມີລາຄາແພງ ພຽງແຕ່ໃຊ້ວິທີ ທຳມະຊາດແບບງ່າຍໆເທົ່ານັ້ນທ່ານກໍ່ຈະໄດ້ຮັບແຂ້ວຂາວໄດ້ດັ່ງໃຈ.

       ສ່ວນປະສົມມີ 2 ຢ່າງເທົ່ານັ້ນຄື: ໝາກນາວ ແລະ ແປ້ງຟູ

ວິທີເຮັດ

1.   ແປ້ງຟູ (Baking Soda) 1 ບ່ວງ (ສາມາດຊື້ໄດ້ ນຳມີນີມາດ ບ່ອນຂາຍແປ້ງເຂົ້າຈີ່, ນ້ຳຕານ, ຫລື ຮ້ານເຄັກ)

2.   ຜ່າໝາກນາວເປັນ 2 ປ່ຽງ 

3.   ບີບໝາກນາວໃຫ້ໄດ້ນ້ຳ 1 ບ່ວງ

4.   ປະສົມນ້ຳໝາກນາວ ແລະ ແປ້ງຟູເຂົ້າກັນ

5.   ຫາຜ້າສະອາດມາໜຶ່ງຜືນ

6.   ນຳຜ້າສະອາດນັ້ນໄປຈຸ່ມລົງໃນສ່ວນປະສົມທີ່ເຮັດໄວ້ແລ້ວນຳມາຖູແຂ້ວ

7.   ປະໄວ້ 2 ນາທີ

8.   ຫຼັງຈາກນັ້ນກໍ່ລ້າງເຮັດຄວາມສະອາດແຂ້ວຂອງທ່ານ 

ໝາຍເຫດ: ວິທີນີ້ບໍ່ຄວນເຮັດຫຼາຍຄັ້ງຕໍ່ເນື່ອງກັນ (ເຮັດພຽງອາທິດລະຄັ້ງກໍ່ພໍ) ຖ້າເຮັດຫຼາຍຄັ້ງຈົນເກີນໄປມັນຈະມີຜົນກະທົບຕໍ່ເຫືອກ ແລະ ແຂ້ວຂອງທ່ານ.

ທີ່ມາ: Laopost.com

ອ່ານຕໍ່